Lady Chiefs may misyon sa Lady Generals

MANILA, Philippines — Makadikit sa ‘twice-to-beat’ advantage ang target ng nagdedepensang Arellano University sa pagsagupa sa Emilio Aguinaldo College sa NCAA Season 95 women’s volleyball tournament sa The Arena sa San Juan City.

Makakaharap ng Lady Chiefs ang Lady Gene­rals ngayong alas-12 ng tanghali at magtutuos ang last 2019 runner-up na Per­petual Help at Letran sa alas-2 ng hapon.

Kumpleto na ang Final Four cast, kaya naman pu­­westuhan na lamang ang pinag-aagawan ng na­ngungunang Saint Benilde (7-0), Arellano (6-1), Perpetual Help (6-2) at San Beda University (6-2).

Hawak ng EAC ang 1-7 baraha sa torneo.