MANILA, Philippines — Isinara ng Basilan Steel ang elimination round sa pagpapadapa sa Parañaque Patriots, 89-71, sa 2019-2020 Maharlika Pilipinas Basketball League (MPBL)-Chooks-to-Go Lakan Cup sa Marikina City Sports Center.
Inangkin ng Basilan ang No. 3 seat mula sa 20-10 kartada sa South Division.
Nakuha ng Steel ang homecourt advantage sa playoff sa likuran ng top seed Davao Occidental Tigers (25-4) at No. 2 ranked Bacoor Strikers (24-6).
Kasama rin sa eight-team playoffs sa South ang No. 4 Zamboanga (18-11), No. 5 Iloilo (18-12), No. 6 Batangas (17-11), No. 7 GenSan (16-12) at No. 8 Bicol (16-14).
Samantala, tinalo ng Bacolod Masters Sardines ang Bulacan Kuyas, 76-69, at giniba ng Marikina Shoemasters ang Sarangani Marlins, 99-95.