MANILA, Philippines — Sinabon ng husto ng Black Mamba ang Hyperwash sa bisa ng 91-83 desisyon para makadikit sa playoff spot sa 2019 PBA D-League Foundation Cup kahapon sa Ynares Sports Arena sa Pasig City.
Pinangunahan ni Bobby Balucanag ang balanseng atake ng Energy Drink matapos tumipa ng 21 puntos mula sa perpektong 10-of-10 field goal shooting kasama pa ang siyam na rebounds.
Nakagawa naman si Jett Vidal ng 14 points, apat na rebounds at tatlong assists habang nagrehistro si Kim Medina ng 13 points gayundin si PJ Barua na nagdagdag naman ng 12 markers para sa Black Mamba na sumulong sa ikatlong puwesto sa Group B tangan ang 3-1 baraha
“Sabi ko nga, we’ll try to win this game to be close sa playoff spot. At 3-1, I think we’re safe already,” ani Black Mamba head coach Vis Valencia.
Dikit ang iskor sa 79-76 nang makuha ng Black Mamba ang momento sa payoff period matapos pa-kawalan ang 12-5 atake na tinuldukan ng free throws ni Tayongtong para maitarak ang 91-81 abante sa huling 1:17.
Sinubukang pumalag ng Hyperwash sa pangunguna ni JR Cawaling ngu-nit hindi ito sapat para mu-ling makabangon.