Mitra pumalag sa desisyon ng OPBF sa Pinoy boxer
MANILA, Philippines — Hiniling ng Games and Amusement Board (GAB) ang panig ng World Boxing Council ukol sa pagbawi ng Oriental-Pacific Boxing Federation (OPBF) sa korona ni Filipino bantamweight Mark John Yap.
“Medyo kontrobersyal ang desisyon ng OPBF kaya we decided na hingin na rin ang panig ng WBC,” pahayag ni GAB chairman Abraham Mitra.
Ayon kay Mitra na hindi naman nakataya ang OPBF titulo sa laban ni Yap kontra kay Takuma Inoue sa WBC title eliminator noong Sept. 2018 kung saan natalo ang Filipino fighter via unanimous decision sa Korakuen Hall sa Tokyo, Japan.
Sa kanyang sulat kay OPBF president Tsuyoshi Yasukochi ng Japan noong Disyembre 24, kinuwestyon ni Mitra ang pagtanggal sa titulo ni Yap.
“We at the Philippines Games and Amusements Board (GAB) would like to formally inquire why Filipino boxer Mark John Yap was removed as OPBF bantamweight champion and why now only rated as # 1? May we request for an explanation,” sabi ni Mitra sa kanyang sulat kay Yasokuchi.
“This (stripping of Yap’s title) has caused him (Yap) to loose his WBC # 11 world ratings,” dagdag ni Mitra.
Bilang chairman ng GAB, tungkulin niya na protektahan ang Pinoy boxer laban sa anumang uri ng paninikil at pagmamaltrato ng international boxing body.
“Tayo naman sa GAB, hangga’t maari, sinusunod natin ang protocol. Medyo hindi naging maganda ang response sa request natin kaya, iaakyat natin sa WBC ang issue,” aniya.
- Latest
