Vic Saludar bagong World champion ng Pinas
MANILA, Philippines — Isang Filipino ang hinirang na bagong world boxing champion sa Kobe, Japan.
Tinalo ni Vic Saludar ng Polomolok, Cotabato si Japanese star Ryuya Yamanaka via unanimous decision para angkinin ang World Boxing Organization minimumweight crown noong Biyernes ng gabi sa Central Gym.
Bagama’t nirapido sa second round ay nakabawi si Saludar (18-3-0, 10 KOs) sa mga sumunod na rounds para madiskaril ang ikalawang pagdedepensa ni Yamanaka (16-3-0, 5 KOs) sa WBO minimumweight belt.
Tuluyan nang napabagsak ng 27-anyos na si Saludar ang 23-anyos na si Yamanaka sa seventh round.
Matapos magpalitan ng mga suntok sa gitna ng ring ay kumonekta si Saludar ng isang straight right sa ulo ni Yamanaka na nagpatumba sa Japanese sa huling segundo ng naturang round.
- Latest
