Solo liderato asam ng Che’Lu

MANILA, Philippines — Makabalik sa porma at muling masolo ang liderato ang tatangkain ng Che’Lu Bar and Grill sa pagharap nito sa AMA Online Education sa pagpapatuloy ng 2018 PBA D-League Foundation Cup ngayong hapon sa Ynares Sports Arena sa Pasig City.

Lalarga ang duwelo ng Revellers at Titans sa ala-una ng hapon habang magtutuos naman sa unang laro sa alas-11 ng umaga ang Batangas at Centro Escolar University.

Balik sa lupa ang Che’Lu nang maputol ang five-game winning streak nito bunsod ng 83-91 kabi­guang tinamo sa Marinerong Pilipino noong Lunes.

Sa kabila ng kabiguan, kapit pa rin sa unahan ang Revellers kasalo ang Go For Gold hawak ang parehong 5-1 marka. (CCo)