Nagbunga ang sakripisyo ng Blaze Spikers

Sa pag-angkin sa kampeonato ng PSL Grand Prix

MANILA, Philippines — Walang dudang na­ging emosyunal ang Petron ma­tapos makamit ang korona ng Chooks to Go-Philippine Su­perliga (PSL) Grand Prix no­ong Sabado sa Smart Araneta Coliseum.

Binanderahan nina imports Lindsay Stalzer at Ka­therine Bell ang Blaze Spikers sa 25-19, 25-20, 22-25, 25-18 paggupo sa karibal na F2 Logistics Car­go Movers sa Game Three ng kanilang best-of-three finals series.

Tatlong taon nangarap ang Petron na muling mag­reyna sa PSL.

“Of course, it feels ama­zing,” wika ni Stalzer matapos makuha ang kanyang ikalawang Grand Prix title at pangalawang Most Va­luable Player award sa pres­tihiyosong torneo na iti­na­guyod ng Isuzu at UCPB Gen kasama ang ESPN5 bilang official broadcast part­ner.

“Last season left a bitter taste in my mouth. So, it’s so awesome when you set a goal and you work to­wards that goal every single day and it finally paid off. It’s a great feeling for all of us,” dagdag pa ng American spi­ker.

Matapos matalo sa Car­go Movers sa finals ng Grand Prix noong nakaraang taon ay pinanatili ng Blaze Spikers ang kanilang mga core players na sina Stal­zer, Hillary Hurley, Rhea Dimaculangan, Aiza Maizo-Pontillas, Frances Mo­lina, Carmela Tunay, Mi­ka Reyes at Remy Palma.

Ngunit nangyari ang hin­di inaasahan.

Nagkaroon si Hurley, ang best offensive weapon ng Petron, ng ankle injury sa krusyal na bahagi ng clas­sifications at sa quarter­finals laban sa Generika-Aya­la.

Hinugot ng Blaze Spi­kers si Bell bilang kapalit ni Hurley.

Sa likod ni Bell ay nag­ta­la ang Petron ng back-to-back wins kontra sa Co­colife sa semifinals.

At sa Game One ng Fi­nals ay humataw si Bell ng 42 points – ang pinakama­taas na scoring output ma­tapos ang 56 points ni Cu­ban Gyselle Silva noong nakaraang buwan.

“Kath provided an immense support to me,” wi­ka ni Stalzer. “Just all the things she said to me, the appreciation and the maturity and the composure that she has, I’m so grateful and lucky that she joined our team.”

“She’s a high class, high level player,” dagdag pa ni­to.

Hindi rin naitago ni Pet­ron head coach Shaq Delos Santos ang kanyang ka­si­yahan.

“After three conferences of the Grand Prix, finally we made it,” ani Delos Santos, dating assistant coach nang magreyna ang Blaze Spikers sa Grand Prix title noong 2014.