Enforcers inilaglag ang Road Warriors
3 p.m.Phoenix
vs Talk ‘N Text
5:15 p.m. Alaska
vs Rain or Shine
MANILA, Philippines - Alam ni coach Chito Victolero na kumakamada ang Road Warriors pagdating sa second half.
“I know NLEX is a very, very 2nd half team. They’ll play hard in the second half,” wika ni Victolero. “We expect the runs. Sa off season ‘yun ang binigyan ko ng pansin sa mga players ko. Now we stayed composed, and we stopped the runs.”
Sumandal ang Mahindra kina import Augustus Gilchrist, Aldrech Ramos, Niño Canaleta at point guard LA Revilla sa fourth quarter para talunin ang NLEX, 106-99, sa 2016 PBA Commissioner’s Cup kagabi sa Smart Araneta Coliseum.
Tumapos ang 6-foot-8 na si Gilchrist na may 30 points at 10 rebounds para sa ikalawang sunod na panalo ng Enforcers at solohin ang ikalawang puwesto mula sa 3-1 record.
Nabigo naman ang Road Warriors na mapitas ang kanilang pangalawang dikit na ratsada at nahulog sa sa 2-2 baraha.
Kinuha ng Mahindra ang 11-point lead, 39-28, sa gitna ng second quarter bago nakalapit ang NLEX sa halftime, 45-48.
Muling nag-init ang Enforcers at ipinoste ang 12-point advantage, 74-62, sa 2:43 minuto ng third period hanggang makadikit ang Road Warriors sa 91-93 mula sa split ni import Al Thornton sa 3:20 minuto ng final canto.
Ang three-point shot ni Ramos kasunod ang salaksak ni Revilla laban kina Thornton at Asi Taulava ang nagbigay sa Mahindra ng 98-92 sa huling 2:06 minuto ng laro.
“Naging matured na rin ‘yung mga players. They know how to win. They know how to close games,” pagpuri ni Victolero sa kanyang mga Enforcers.
Pinangunahan ni Thornton ang Road Warriors sa kanyang 29 points kasunod ang 18 ni Sean Anthony, 15 ni Jonas Villanueva at 10 ni Taulava.
Samantala, kasalukuyang naglalaban ang San Miguel Beermen at ang Globalport Batang Pier habang sinusulat ito.
Mahindra 106 - Gilchrist 30, Canaleta 21, Jaime 15, Digregorio 13, Ramos 12, Revilla 10, Dehesa 5, Guinto 0, Hubalde 0, Pinto 0, Yee 0.
NLEX 99 - Thornton 29, Anthony 18, Villanueva J. 15, Taulava 10, Enciso 9, Alas 8, Lanete 5, Borboran 3, Khobuntin 2, Reyes 0, Villanueva E. 0.
Quarterscores: 27-20; 48-45; 74-70; 106-99.
- Latest
