Aces, Beermen pasok na sa semis

MANILA, Philippines – May dapat ipagpasa­lamat ang Alaska sa NLEX.

Tinalo ng Road Warriors ang Rain or Shine Elasto Painters, 111-106, para wakasan ang kanilang apat na sunod na kamalasan sa 2015 PBA Philippine Cup kagabi sa Smart Araneta Coliseum.

Sa unang laro, dinaig naman ng Aces ang Barako Bull Energy, 108-100.

Dahil sa kabiguan ng Rain or Shine (8-3), nahulog sa No. 3 at ang panalo ng Alaska (9-2) ang nagdala sa Aces sa outright semifinals at nakamit rin ng nagdedepensang San Miguel Beermen (9-2) ang ikalawang automatic semifinals seat.

“We’re happy we won this game. We want a positive outlook coming into the quarterfinals,” sabi ni coach Boyet Fernandez sa NLEX na may 5-6 record.

Sa tournament format, ang top two teams matapos ang eliminasyon ay mabibigyan ng automatic semifinals berths, habang ang pupuwesto sa No. 3, 4, 5 at 6 ay magkakaroon ng ‘twice-to-beat’ advantage laban sa No. 10, 9, 8 at 7 sa quarterfinals.

Bumangon ang NLEX (5-6) mula sa 13-point deficit, 69-82, sa 4:44 minuto ng third period hanggang makatabla sa Rain or Shine 92-92 sa 8:22 minuto ng fourth quarter galing sa basket ni Sean Anthony, kumamada ng career-high na 37 points.

Ganap na naagaw ng Road Warriors ang unahan sa 108-106 mula sa basket ni Anthony sa huling 21 segundo.

Ang three-point play ni Anthony kay Jeff Chan sa nalalabing limang segundo ang ganap nang sumel­yo sa kanilang panalo sa Elasto Painters.

Alaska 108 - Abueva 22, Manuel 21, Baguio 11, Jazul 11, Thoss 11, Casio 9, Hontiveros 8, Banchero 7, Baclao 4, Dela Cruz 4, Dela Rosa 0, Exciminiano 0, Menk 0.

Barako Bull 100 - Wilson 23, Intal 15, Lanete 14, Urbiztondo 13, Monfort 12, Fortuna 10, Brondial 7, Miranda 3, Pennisi 3, Baracael 0, Forrester 0.

Quarterscores: 23-30; 50-48; 82-70; 108-100.

NLEX 111 - Anthony 37, Taulava 15, J. Villanueva 14, Cardona 11, Alas 9, Lanete 7, Enciso 6, Reyes 6, Villanueva E. 6, Borboran 0.

Rain or Shine 106 - Belga 18, Chan 15, Ponferada 13, Tiu 11, Almazan 10, Cruz 9, Nimes 9, Quinahan 6, Ahanmisi 5, Norwood 5, Teng 3, Matias 2, Trollano 0.

Quarterscores: 33-32; 56-61; 83-88; 111-106.