Blue Eagles, Green Archers magtutuos ngayon Tigers dumalawa sa Tams

Laro Ngayon (Smart Araneta Coliseum)

11 a.m. – NU vs UP

4 p.m. – La Salle vs Ateneo

MANILA, Philippines – Bumangon ang University of Sto. Tomas mula sa 14-point deficit sa second period para palakasin ang tsan­sa sa ‘twice-to-beat’ incentive sa Final Four.

Sinakmal ng Tigers ang Far Eastern University Tamaraws, 85-76, para sa kanilang ika-10 panalo sa second round ng 78th UAAP men’s basketball tournament kagabi sa Smart Araneta Coliseum.

Dumikit ang UST (10-3) sa FEU (10-2) at umangat sa Ateneo (8-4), La Salle (5-6), nagdedepensang Natiional Uni­versity (5-7), University of the East (4-8), University of the Philippines (3-8) at Adamson University (3-10).

Mula sa 22-36 pagkakabaon sa second period ay bu­malikwas ang Tigers para makatabla sa halftime, 47-47, at agawin ang 59-57 abante patungo sa 13-point advantage, 78-65, sa 6:34 minuto ng final canto.

Unang tinalo ng UST ang FEU, napigilan ang nine-game winning streak, sa first round, 72-71.

Sa unang laro, pinadapa naman ng sibak nang Falcons ang Red Warriors mula sa 74-71 panalo.

Bagama’t naisuko ang itinayong 20-point lead, 64-44, sa third period ay nagawa naman ng Adamson na madepensahan ang UE sa dulo ng final canto.

Kumayod si import Pappe Sarr ng 22 points at 20 re­bounds, habang nagsalpak naman si Joseh Nalos ng da­lawang free throws patungo sa ikatlong panalo ng Fal­cons sa 13 laro.

UST 85 – Abdul 23, Ferrer 21, Bonleon 13, Vigil 13, Daquioag 11, Lee 4, Faundo 0, Sheriff 0, Lao 0, Sua­rez 0.

FEU 76 – Tolomia 17, Tamsi 15, Belo 12, Pogoy 8, Ru. Escoto 6, Arong 5, Jose 4, Orizu 4, Trinidad 3, Iñigo 2, Dennison 0, Ebona 0, Ri. Escoto 0.

Quarterscores: 19-30; 45-45; 69-59; 85-76.