Pacquiao tatapusin ang career sa pamamagitan ng panalo
MANILA, Philippines – Siya lamang ang tanging Asian boxer na nagkampeon sa walong magkakaibang weight divisions at minsan nang kinilalang ‘pound-for-pound king.
Sa pagtatapos ng kanyang makulay na boxing career, sinabi ni Manny Pacquiao na gusto niyang lisanin ang boxing ring sa matagumpay na paraan.
“I’ve already achieved what I want to do in my career, I just want to continue and maintain my name at the top of boxing,” wika ni Pacquiao sa panayam ng Gulf News.com mula sa Dubai, United Arab Emirates. “It’s very important to finish my career with victory.”
Nasa Dubai ang 36-anyos na si Pacquiao para sa laro ng kanyang Mahindra laban sa Alaska bukas sa official game ng 2015 PBA Philippine Cup.
Hanggang sa kasalukuyan ay wala pang pormal na pahayag si Bob Arum ng Top Rank Promotions kung sino ang magiging pinakahuling makakalaban ni ‘Pacman’ sa Abril 9, 2016.
“This is my last fight in boxing because I’m going to focus on serving the people in the Philippines and I believe I can achieve that dream,” ani Pacquiao na kakandidato para sa isang silya sa Senado sa National Elections sa Mayo ng 2016.
- Latest
