Lumangoy ng tig-2 ginto Mojdeh, White nagtampisaw agad sa pool
MANILA, Philippines – Isang beterana at baguhang manlalangoy ang nanguna sa mga nanalo ng gintong medalya sa 80th Philippine Swimming League (PSL) National series-Davao Swim Meet kahapon sa Tagum City Sports Complex.
Si Micaela Jasmine Mojdeh ay nanguna sa girls’ 9-10 50m backstroke sa 42.85 segundo at sa 50m butterfly (35.89) habang si Heather White ay nagkampeon sa girls’ 7-8 50m backstroke (43.72) at 50m butterfly (42.12) para lumabas bilang mga double gold medalists sa torneo na inorganisa ng PSL sa pamumuno ng pangulong si Susan Papa.
“Ang pagpunta ng PSL sa Tagum City ay para bigyan ng pagkakataon ang mga swimmers na taga-rito. Masaya naman kami dahil marami kaming nakikitang talento at puwedeng hubugin para sa 2017 Summer World University Games sa Taiwan,” wika ni Papa.
Ang iba pang nanalo ng dalawang ginto ay sina Christian Paul Anor sa boys’ 15-16 100m backstroke (1:05:13) at 200m Individual Medley (2:24:31), Bernice Elesterio sa girls’ 13-14 100m backstroke (1:20:44) at 200m Individual Medley (2:26:66); Duja Danielle Mabalod sa girls’ 6-under 50m backstroke (1:03:61) at 50m butterfly (1:17:32) at Yuan Gabriel Taojo sa boys’ 7-8 50m backstroke (45:38) at 50m butterfly (46.70).
Nanalo rin ng ginto sina Eryk John Omandam (boys’ 9-10 50m backstroke, 38.53), Ian Gabriel Natividad (boys’ 17-over 100m backstroke, 1:13.76), Zhakira Idulsa (girls’ 11-12 100m backstroke, 1:19.99), Bea Amparo (girls’ 15-16 100m backstroke, 1:25.48), Girly Estares girls’ 17-over 100m backstroke, 1:36.50), John Marion Albano (boys’ 11-12 100m backstroke, 1:18.63), Josiah Paul Lozano (boys’ 13-14 100m backstroke, 1:14.46), Erika Suelan (girls’ 11-12 100m butterfly, 1:23.03), Mariel Angela Sorolla (girls’ 13-14 100m butterfly, 1:15.91), Mae Pajarito (girls’ 17-over, 1:38.04) at Arvin Pormillos (boys’ 17-over 100m butterfly, 1:07.83).
Tinuran pa ni Papa na naisagawa ang torneo dahil na rin sa tulong nina Governor Rodoldo del Rosario, provincial sports officer Giovani Golanes at sina Edgar Lora at Rey Rasay ng Davao Sea Lions.
- Latest
