MANILA, Philippines - Babanderahan nina NBA stars Kenneth Faried ng Denver Nuggets at Danny Green ng San Antonio Spurs ang NBA 3X Philippines 2015 sa SM Mall of Asia Music Hall sa Agosto 28-30.
Sina Faried at Green ang mamamahala sa clinics at makikihalubilo sa kanilang mga fans.
“I’m excited to visit the Philippines for the first time to experience the culture and be part of the NBA 3X festivities,” sabi ni Faried. “Filipinos are incredibly passionate about the game, and this will be a weekend of great basketball as the players get the opportunity to showcase their skills.”
Ang 6-foot-8 na si Faried ay ang 22nd overall pick ng Nuggets noong 2011 NBA Draft at isinama sa NBA All-Rookie First Team noong 2012.
Noong 2013 ay hinirang siyang Most Valuable Player sa NBA Rising Stars Challenge at napabilang sa Team USA na kumuha ng gold medal sa 2014 FIBA World Cup.
Nagposte si Faried ng mga averages na 12.6 points at 8.9 rebounds sa 2014-15 NBA season.
Ang 6’6 namang si Green, nanalo ng NBA championship sa Spurs noong 2014, ay ang 46th overall pick ng Cleveland Cavaliers noong 2009 NBA Draft.
“I look forward to meeting the fans and showing my support for the best Filipino basketball talents competing for pride and recognition on the big stage,” wika ni Green.
Ang event ay magtatampok sa 3-on-3 on-court competition na may libreng NBA entertainment para sa mga fans.