Murray umabante sa quarters ng Paris Masters

PARIS -- Sumikwat si Andy Murray ng tiket sa quarterfinal round ng Paris Masters matapos talunin si Grigor Dimitrov via straight sets, 6-3, 6-3.

Matapos ang pagpapa­lit niya ng coach at makabangon mula sa isang back injury, kumuha si Murray ng puwesto sa season-ending tournament.

Bago lisanin ang court ay nagsulat si Murray ng ‘’bad year’’ sa isang camera lens.

‘’It wasn’t a jibe (at cri­tics), it’s a bit of fun,’’ sabi ni Murray sa kanyang auto­graph. ‘’I mean, people are going to ask me all the time why I’ve had such a poor year by my standards. You’re allowed sometimes to say something in res­ponse to that. I don’t tend to do that often, but, look, it’s been a hard year, a tough year, but it hasn’t been a bad year.’’

Umabante si Murray, na­laglag sa No. 12 sa ran­kings mula sa pagiging No. 4, sa semifinals ng French Open at nabigong maidepensa ang kanyang Wimbledon crown.

Nagbalik siya noong Nob­yembre ng 2013 para maghari sa Shenzhen Open sa China.

Nakipaghiwalay siya kay coach Ivan Lendl no­ong Marso at ipinalit si Ame­lie Mauresmo.

Makakatapat ni Murray sa quarterfinals si top-ranked Novak Djokovic, ti­nalo si Gael Monfils para sa kanyang 6-3, 7-6 (2) ta­gumpay.

Tinalo ni second-see­ded Roger Federer si Lucas Pouille 6-4, 6-4.