Cone at Iverson magkakasama
MANILA, Philippines – Makakadaung-palad ng isang Gand Slam, history-making coach ang isang worldwide basketball icon.
Makakasama ni Tim Cone, ang tanging coach sa Philippine Basketball Association na nakakuha ng dalawang Gand Slam para sa dalawang magkaibang koponan, si dating 11-time All-Star Allen Iverson para sa isang basketball clinic sa Nobyembre 4.
Idaraos sa Bgy. Holy Spirit sa Quezon City sa ganap na alas-3 ng hapon, ang clinic ay isa sa mga aktibidades na nakalinyang gawin ni Iverson sa kanyang Manila visit na tatampukan ng isang charity basketball event na tinaguriang “All In” sa Mall of Asian Arena na inihahandog ng PCWorx sa Nobyembre 5 para sa kapakanan ng Gawad Kalinga.
“I’m so honored to work with one of the true legends of the NBA. Just his mere presence will excite everyone,” sabi ng multi-titled San Mig Coffee mentor na si Cone.
Ngayon pa lamang ay nasasabik na si Iverson sa kanyang pagbisita.
Ang nasabing basketball clinic ay may limited slots para sa mga batang may edad 10-15-anyos.
- Latest
