Inangkin ang kauna-unahan nilang UAAP Women’s Crown: Reyna ang Lady Bulldogs

MANILA, Philippines - Tuluyan nang dinispatsa ng National University ang Far Eastern University, 59-48, para angkinin ang kau­na-unahan nilang UAAP title sa women’s basketball ka­hapon sa Mall of Asia Arena sa Pasay City.

Kumamada ang Lady Bulldogs sa second half ka­sabay ng paglimita sa Lady Tams sa 18 points para kum­pletuhin ang kanilang16-game sweep.

Nauna nang inilampaso ng NU, natalo sa La Salle La­dy Archers sa finals ng Season 76, ang FEU sa Game One, 80-58, ng kanilang championship showdown.

Nakamit ng Lady Bulldogs ang isang outright finals berth kasama ang ‘thrice-to-beat’ incentive matapos wa­lisin ang lahat ng kanilang mga laro.

Inilampaso ng NU ang FEU sa Game One, 80-58, ng kanilang championship showdown.

Kinuha ng Lady Tams ang 11-2 abante bago sumandal ang Lady Bulldogs kay Finals MVP Gemma Miranda pa­ra makalapit sa halftime, 29-30.

Ang magkasunod na three-point shot ni Trixie Anti­quiera bukod sa kanyang four-point-play ang nag-angat sa NU sa 56-47 sa huling 2:14 minuto ng fourth quarter.

Tumapos si Miranda na may 14 points at 8 rebounds at nagdagdag sina Antiquiera at Andrea Tongco ng tig-12 markers.

Muling ipaparada ng Lady Bulldogs ang buong lineup pa­ra sa susunod na UAAP Season kung saan tanging si Camilla Escoto lamang ang mawawala.

Pinangunahan naman ni Ana Valenzona ang FEU sa kanyang 14 points. (Russell Cadayona)

NU 59 – Miranda 14, Antiquiera 12, Tongco 12, Ber­nardino 6, Abriam 4, Gupilan 4, Paig 3, Escoto 2, Sison 2, Nabalan 0.

FEU 48 – Valenzona 14, Siat 10, Tanaman 10, Arel­lado 8, Ventura 4, Castro 2, Baldonado 0, Gabriel 0, Chan 0, Lozano 0.

Quarterscores: 13-19; 29-30; 40-36; 59-48.