Laro Bukas
(The Arena, San Juan City)
12 nn Mapua vs St. Benilde (Jrs/Srs)
4 p.m. San Sebastian vs Perpetual (Srs/Jrs)
MANILA, Philippines - Hinawakan ng San Beda Red Lions ang playoff para sa 90th NCAA men’s basketball Final Four sa kahanga-hangang 73-44 pangingibabaw sa Letran Knights kahapon sa The Arena sa San Juan City.
Ang 44 puntos ang pinakamababang puntos na naibigay ng four-time defending champion Red Lions ngayong taon at ikalawang pinakamababa ito sa kabuuan ng liga matapos limitahan ng Jose Rizal University Heavy Bombers ang Lyceum Pirates sa 43 puntos noong Setyembre 1.
Maagang nagtrabaho ang tropa ni coach Boyet Fernandez matapos bigyan lamang ng walo at 10 puntos sa unang dalawang quarters ang Knights para layuan agad ng 19, 37-18.
Si Arthur dela Cruz ay may 17 puntos habang si Ola Adeogun na hindi nakasama ng koponan sa unang laban na napagwagian ng Letran, 53-64, ay may 14 puntos at 10 rebounds.
May panuportang 11 puntos pa si Kyle Pascual para ibigay sa San Beda ang ika-12 panalo matapos ang 14 laro.
Nakumpleto rin ng koponan na mabalikan ang mga koponang tumalo sa kanila sa first round dahil tinalo na rin nila ang St. Benilde para magkaroon na ng five-game winning streak.
Kailangan na lamang ng koponan na manalo ng dalawa pa para makatiyak na sa unang dalawang puwesto at ang twice-to-beat advantage. (ATan)
San Beda 73 -- Dela Cruz 17, Adeogun 14, Pascual 11, Koga 6, Amer 6, Mendoza 6, Abude 4, D. Semerad 4, A. Semerad 2, Tongco 2, Mocon 1, Cabañag 0, Sara 0.
Letran 44-- Cruz 10, Racal 8, Publico 7, Ruaya 4, Tambeling 4, Apreku 3, Quinto 3, Gabawan 3, Nambatac 2,.
Quarters: 17-8, 37-18, 55-34, 73-44.