MVP planong palakasin ang Batang Gilas

DUBAI --  Matapos ma­si­bak sa FIBA U17 World Championship, nangako si MVP Sports Foundation president Al Panlilio na pa­lalakasin ang koponan sa pa­mamagitan ng pagkuha ng mga malalaki at talenta­dong players na maaa­ring makipagsabayan sa mga pinakamahuhusay sa mundo.

Sinabi ni Panlilio, ang anak ay naging sandata ng Batang Gilas sa nasabing 16-nation tournament, na ang mga Filipino ay may talento para manalo ngu­nit ang kakulangan ni­la sa ma­lalaking players ang si­namantala ng ibang ko­ponan.

Binuksan ng Batang Gilas ang kanilang kampanya mula sa 10-point set­­back sa Angola kasunod ang 20-point loss sa Greece at 60-point defeat sa nagdedepensang Uni­ted States.

Sa Round-of-16 ay ti­nambakan sila ng France ng 29 points naglaglag sa kanila sa classification round kung saan ang ka­nilang pinakamataas na ma­kukuha ay ninth place.

Nakatakdang labanan ng koponan ang Argentina kagabi sa Al Shabab Arena.

Ang panalo ng mga Pi­noy ang magtatakda sa kanila ng mananalo sa pa­gitan ng Greece at Egypt pa­ra sa ninth place.

Ang Batang Gilas ay may average height na 5-foot-11 kumpara sa mga koponang nagpaparada ng mga 6’7 hanggang 7-foot giants.

“If we only had three 6’5 players in our team, na­pakalaking bagay nun. We gave everybody a tough time. It’s only until late in the third to fourth quarter na talagang bumibigay na. Kum­baga sa boxing, kaya mo ang suntok pero kung na­susuntok ka hanggang dulo bibigay ka na.”

Nakuntento naman si Sa­mahang Basketbol ng Pilipinas (SBP) president Manny Pangilinan sa ipina­kita ng Batang Gilas.

“MVP (Pangilinan) was proud despite the disadvantage in height,” wika ni Pangilinan. He sees that the boys are battling. Ta­lagang luma­laban, puso pi­napakita nila and because of that, it gives him a lot of pride and tears in his eyes na na­kikitang lu­malaban ang mga bata.”