MANILA, Philippines - Ginamit ng Air Asia Fly- ing Spikers ang matagal ng samahan ng kanilang manlalaro upang sorpresahin ang Cagayan Valley Lady Rising Suns, 26-14, 25-19, 27-25, sa unang laro sa women’s division ng 2014 PLDT Home DSL-Philippine Super Liga (PSL) All-Filipino ConfeÂrence noong Biyernes ng gabi sa Cuneta Astrodome.
Gumawa si Stephanie Mercado, ng 14 puntos pero naroroon ang suporta nina Cha Cruz at No. 2 pick na si Abigail Maraño upang saluhan ng expansion team na pag-aari ni Mikee Romero ang Cignal sa liderato sa 1-0 karta.
“Iba na talaga kapag kiÂlalang-kilala mo ang mga plaÂyers mo. Alam mo na agad ang executions at adjustments sa laro,†wika ni Air Asia coach Ramil de Jesus sa kanyang manlaÂlaÂro na hinawakan ang La Salle sa UAAP.
Bagamat mahigpitan ang laban, ang Flying SpiÂkers ang nanaig sa mga maÂhahalagang puntos para itulak ang Lady Rising Suns sa unang pagkatalo sa liÂgang inorganisa ng Score at handog ng PLDT Home DSL bukod sa suporta ng Mikasa, Asics, Mueller Tapes, Jinling Sports Equipment, LGR, Bench at Healthway Medical.
Si Cruz na siyang team captain ng koponan ay may 10 puntos, habang si Maraño na dating two-time UAAP MVP ay may limang puntos sa unang laro sa liga. (ATan)