MANILA, Philippines - Mag-uunahan ngayon ang National University Lady Bulldogs at FEU Lady Tamaraws sa pagtangan sa mahalagang 1-0 kalamangan sa pagbubukas ng Shakey’s V-League Season 11 First ConfeÂrence Finals sa The Arena sa San Juan City.
Ang laro ay matutungÂhayan dakong alas-4 ng hapon kasunod ng unang salpukan ng UST TigÂresses at Adamson Lady Falcons sa ganap na alas-2 ng hapon para sa ikatlong puwesto.
Pararangalan din ng ligang inorganisa ng Sports Vision katuwang ang Shakey’s ang mga nagpasikat sa conference sa paghatag ng mga individual awards matapos ang unang laro.
Best-of-three series ang Finals sa ligang may ayuda pa ng Mikasa, Accel at Lion Tiger Mosquito Coil kaya’t medyo lamang na ang nakauna sa serye.
Ang NU ay nagbabalak na maihanay ang sarili sa La Salle, UST at Ateneo bilang mga koponan na nagtagumpay sa pagdepensa sa titulo sa first conference.
Sina Dindin at Jaja Santiago ang mangunguna sa tropa ni coach Ariel Dela Cruz na nananalanging lalabas na ang ‘killer’s insÂtinct’ ng mga alipores dahil hindi birong kalaban ang katunggali.
Ito ang unang pagkakataon na nasa championship round ang FEU at tiyak na hindi sila kontento na hanggang dito lamang ang kanilang maabot.
Taglay ng koponan ang dalawang mahuhusay na guest players sa katauhan nina Rachel Ann Daquis at Jovelyn Gonzaga pero hindi nagpapahuli ang ibang kasapi na sina Bernadette Pons, Mary Remy Palma, Genevieve Casugod, Yna Papa at Christine Agno na nakitaan nang husay para talunin ang Adamson sa semifinals, 2-1.
“First time namin sa Finals pero hindi rito natatapos ang aming laban. Kailangang patunayan namin na karapat-dapat kami na umabot dito lalo pa’t hindi kami expected na pumasok,†tila hamon pa ni FEU coach Shaq delos Santos sa kanyang koponan. (ATAN)