Pero kailangan ng tulong ng mga kaibigan Mayweather gustong bilhin ang Clippers

MANILA, Philippines - Siya ang ikinukunsi­de­rang pinakamayamang at­le­ta sa buong mundo.

Ngunit para makamit ang isa niyang pangarap, kai­langan ni American bo­xing superstar Floyd May­wea­ther, Jr. ng tulong ng kan­yang mayayamang kai­bi­gan.

Inihayag kahapon ng 36-anyos na si Mayweather na interesado siyang bilhin ang NBA team na Los An­geles Clippers mula sa kon­trobersyal nitong team owner na si Donald Sterling.

Tinawagan na ni Mayweather, nakatakdang laba­nan si Marcos Maidana sa Linggo sa MGM Grand sa Las Vegas, Nevada, ang kan­yang adviser na si Al Hay­mon ukol sa kanyang plano.

“Actually, I called Al today about that, to see if me, Leo­nard (Ellerbe), Richard (Schaefer), Al and a couple of my billionaire guys could come together and see what we could come up with,” wi­ka ni Mayweather.

Idinagdag ni Maywea­ther na sakaling mabili niya ang Clippers ay hindi na siya makikipagpustahan sa mga laro sa NBA.

“Let’s see if we can do it, and it’s not just talk. I wouldn’t mind. Once I get ownership in the Clippers, I could no longer bet. I’d have to stop that completely,” wika nito.

Ang nakuhang $73.5 millyon sa minimum purses para sa kanyang dalawang laban noong 2013 ang naghirang kay Mayweather bilang highest-paid athlete.

May bahay si Maywea­ther sa Los Angeles at pala­giang nanonood ng mga la­ro ng Clippers kung saan si­ya may mga kaibigang pla­­yers kagaya nina Blake Griffin at Chris Paul.

“With me, I can’t come in talking about Mayweather only gonna get 3 percent, 4 percent. I got to get a solid percentage. Do we want to buy the Clippers? Yes, we do. We are very, ve­ry inte­rested in buying the Clippers. We’ll keep the Clippers right where they’re at. When I’m not boxing, I’m at the games all the time. We do want to buy the Clippers. Me and my team do want to buy the Clippers and we can afford the Clippers,” ani Mayweather sa kanyang binabalak.