MANILA, Philippines - Binigyan ni Kim Mangrobang ang sarili ng magandang alaala kung paglahok sa female Elite U23 nang kunin ang gintong medalya sa karerang nakapaloob sa 2014 K-Swiss ITU Subic Bay International Triathlon (SUBIT) kahapon sa Subic Bay Freeport.
Ang 22-anyos na si Mangrobang na ang dating pinaÂkamataas na puwesto sa pagsali sa kompetisyong inorganisa ng Triathlon Association of the Philippines (TRAP) at may basbas ng International Triathlon Union (ITU) at Asian Triathlon Confederation (ASTC) ay ikalimang puwesto noong nakaraang taon ay may ng 2:19:08 tiyempo.
Sa Olympic distance (1.5-k swim , 40-k bike, 10-k run) ginawa ang karera na kinakitaan din ng pamamaÂyagpag ang mga nasa unang pagkakataon ng paglahok sa Pilipinas na sina Latin Aleksadr ng Estonia, Chika Sato ng Japan at Hsu Pei Yen ng Chinese Taipei sa male at female Elite Open at male Elite U23.
Si Aleksadr na number one triathlete ng kanyang bansa at nagbabalik matapos mapahinga ng isang taon dahil sa foot injury ay nagtala ng 1:50:16 para manaig kina Kohei Shimomura ng Japan (1:50:29) at Simon Agoston ng Austria (1:50:39).
May 2:02:35 si Sato para manalo kina Hoi Long ng Macau (2:03:02) at Hilda Choi Yan Yin ng Hong Kong (2:07:37) habang si Hsu ay may bilis na 2:00.21 upang biguin ang hangad na panalo ng mga local triathletes na sina Nikko Huelgas (2:00:38) at John Leerams Chicano (2:01:37) tungo sa pangalawa at pangatlong puwesto.
Sinamang-palad na hindi nakita ni Huelgas at naunang kasabayan na si Filipino bet Banjo Norte ang sign na nagsasaad na dumiretso ang mga kasali. Sa halip ay kumanan ang dalawa upang mawalan ng 10 segundo at ito ay kinapitalisa ni Hsu tungo sa panalo.