MANILA, Philippines - Tuluyan nang sinibak ng Rain or Shine si Alex McLean matapos hugutin si Wayne Chism at mapalakas ang kanilang kampanya sa kasalukuyang 2014 PBA CommisÂsioner’s Cup.
Sa kanyang huling laro sa 96-79 panalo ng Elasto Painters laban sa Meralco Bolts noong Miyerkules ay naglista si McLean ng 23 points.
Si Chism naman ang orihinal na kinukuha ng Barako Bull at nakapag-ensayo na para sa Energy Cola sa pre-season bago nalamang may contractual problem ang import sa kanyang koponang Kaposvari sa Hungary.
At sa pagkakaresolba sa kanyang problema sa nasabing Hungarian team ay maaari na siyang maglaro para sa Rain or Shine.
Naglista ang dating Tennessee University standout ng mga averages na 20.7 points, 10.1 rebounds at 2.5 blocks sa 16 games na laro para sa Kaposvari team sa Hungary.
Nauna na ring tinarget ng Ginebra si Chism.