BEST Center 36-taon nang tumutuklas ng mga mahuhusay na manlalaro

MANILA, Philippines - Sa loob ng 36 taon ay sinanay ng BEST Center ang mga aspiring basketball athletes para maging mas mahusay na players.

Ilan sa mga naging pro­dukto ng BEST, ang Basketball Efficiency Scien­tific Training, ay sina PBA Philippine Cup finals Most Valuable Player Larry Fonacier, Smart-Gilas Pilipinas captain Chris Tiu, PBA Commissioner’s Cup Finals MVP James Yap at ang magkapatid na Kiefer at Thirdy Ravena.

Sinimulan noong 1978 ni dating national coach Nicanor Jorge, patuloy ang Best Center bilang premier basketball clinic at pinagkakatiwalaan ng mga aspiring hoopsters, parents at academic institutions.

Ang tagumpay ng clinic ay dahil na rin sa scientific approach sa training.

“Not only does BEST Center adapt the best trai­ning program for our coaches and students, we are continuously updating the program with latest deve­lopments in training used by the world’s top basketball athletes,” ani coach Nic. “In fact, we regularly send our coaching team abroad for training. Through the years we also had some of the top global athletes and coaches visit our clinics to speak and train both our coaches and students.”

Ang BEST Center cli­nics ay nag-aalok ng mga basic courses para sa mga beginners pati na ang advanced classes para sa mga players na gustong mapataas ang kanilang antas.

Gumagamit ang BEST Center ng state-of-the-art equipment para mapahusay ang dribbling, passing at shooting ng mga players.