CKS, Assumption-Pampanga kampeon sa Seaoil cagefest
MANILA, Philippines - Kumamada si JV Gallego ng 32 points para igiya ang Seaoil Extreme 95-Chiang Kai Shek College sa 88-80 paggupo sa Seaoil Extreme Diesel-National University sa 2014 Seaoil NBTC National High School Championship kahapon sa Ynares Sports Arena sa Pasig.
Humugot ang 15-anyos na si Gallego ng 11 straight points para sa Blue Dragons sa fourth quarter kung saan sila bumangon mula sa isang five-point deficit.
Ang panalo ng Chiang Kai Shek sa NBTC ang muling nagpatunay sa epektibo bilang high school basketball program matapos talunin ang UAAP champion sa event na nagsisilbing official grassroots program ng Samahang Basketbol ng Pilipinas (SBP).
Kinilala si Gallego bilang Most Outstanding Player ng event na suportado ng MVP Sports Foundation, Meralco, Smart, NLEX, Maynilad, Philex, Philippine Star at Molten.
Samantala, umarangkada ang Cinderella team NLEX-Assumption University of Pampanga sa fourth quarter upang gibain ang Seaoil ExtremeDiesel-Colegio de San Benildo of Antipolo, 79-69, at sikwatin ang Division II title.
CHIANG KAI SHEK 88 - Gallego 32, Salim 21, Gagate 10, Gallemit 9, Ascano 5, Tibayan 4, Pilanga 5, Yu 2, Toribio 0.
NU-A 80 - Cauilan 23, Dyke 16, Cani 10, Go 10, Mosqueda 7, Lopena 6, Battad 6, Lapiz 2, Gozum 0, Claveria 0.
Quarterscores: 23-21, 42-47, 65-68, 88-80.
- Latest
