Jones ibinandera ang Rockets sa panalo vs Bucks; Heat wagi sa Bobcats
HOUSTON--Nagposte si Terrence Jones ng career-high na 36 points at 11 rebounds at lumamang ang Houston Rockets mula sa simula patungo sa 114-104 paggupo sa Milwaukee Bucks.
Umiskor si Jones ng 25 points sa halftime na duÂÂmuplika sa itinala niyang career-best noong MiÂyerkules, habang nagdagÂdag si James Harden ng 22 points.
Naglista naman si Brandon Knight ng 26 points at 7 assists para sa Bucks, nalasap ang kanilang ika-walong sunod na kamalasan.
Tumanggap si Jones ng standing ovation nang kunin niya ang rebound mula sa mintis na 3-pointer ni O.J. Mayo at iniwanan ito sa pamamagitan ng isang spin move para sa isang off-balance layup na nagbigay sa Houston ng 112-97 abante sa huling dalawang minuto.
Ang 22-anyos na si Jones ang ikalawang piÂnakabatang Rockets na gumawa ng isang 30-point game matapos si Hakeem Olajuwon.
Kumolekta naman si star forward Dwight HoÂward ng 20 points at 14 rebounds para sa Rockets
Humakot si John Henson ng 20 points at 15 reÂbounds para sa Milwaukee at nag-ambag si Luke Ridnour ng 14 points.
Sa Charlotte, North Carolina, tumipa si LeBron James ng 34 points at 8 rebounds para banderahan ang Miami Heat sa 104-96 overtime win laban sa Bobcats.
Ito ang pang-15 sunod na pagkakataon na tinalo ng Heat ang Bobcats.
Humugot si James ng 6 points sa extra period, kasama rito ang dalawang driving layups para sa ikalawang sunod na panalo ng Heat sa nakaraang dalawang gabi.
- Latest
