Lady Altas pinadapa ang Lady Red Spikers

MANILA, Philippines - Tinalo ng Univers­ity of Perpetual Help Sys­tem Dalta ang San Be­da College, 25-22, 22-25, 25-20, 27-25, pa­ra palakasin ang ka­nilang tsansa sa Final Four sa NCAA women’s volleyball tournament ka­hapon sa The Arena sa San Juan.

Nalampasan ng Lady Altas ang itinalang league-record na 33 points, kasama rito ang 28 attacks at 4 service aces, ni Janine Marciano sa panig ng Lady Red Spikers.

“Hindi pa talaga nagji-jell yung bawat isa up to now. Lahat ng posisyon ina-adjust ko,” ani coach Sammy Acaylar sa kanyang Lady Altas. “Masaya pa rin at nanalo. Hangga’t ma­aari, we wanted to win three or four sets.”

Ito ang ikalawang sunod na kabiguan ng San Be­da matapos magtumpok ng malinis na  5-0 kartada para makatabla sa ikala­wang puwesto ang Perpe­tual.

Magkasalo naman sa li­derato ang Arellano University at ang College of Saint Benilde sa magkatulad nilang 5-1 marka.

Samantala, nagtala si Jhe­mil Abadilla ng 14 hits at 5 digs para igiya ang Ly­ceum sa 18-25, 25-20, 25-18, 25-19 paggupo sa Letran.

Ito ang ikalawang panalo ng Lady Pirates ngayong season kasabay ng pagpapalasap sa Lady Knights ng kanilang pang-pitong su­nod na kamalasan sa torneo.

Sa men’s division, dumi­retso ang Per­petual  Altas sa ka­nilang ika-40 dikit na arangkada nang igu­po ang San Beda Red Lions, 25-20, 25-20, 25-23.