Cycling icon na si Padilla pumanaw na sa edad na 67-anyos

MANILA, Philippines - Sumakabilang-buhay na si dating cycling icon Atty. Cornelio A. Padilla Jr. no­ong Linggo sa edad na 67-anyos dahil sa sakit sa pu­so sa St. Lukes Hospital.

Inulila niya ang kanyang asawang si Atty. Luzvi­minda Padilla, ang ka­saluku­yang Philippine la­bor atta­che sa Washington D.C., at kanilang mga anak na si­na Jennifer, May, Nathalie at Jan Eli.

Ang mga labi ni Atty. Pa­dilla ay nakahimlay sa La Funeria Paz sa Araneta Ave­nue, Quezon City at ang cremation ay nakatakda sa Huwebes.

Hinasa ni “Paddy” ang kanyang husay sa pag­bibisikleta bilang isang news­paper delivery boy sa Project 4, Quezon City.

Bagito pa siya nang ma­nalo ng national cycling title at kinatawan ang bansa sa 1964 Tokyo Olympics.

Naging popular siya nang maging back-to-back champion ng Tour of Luzon no­ong 1966-1967. 

Hinirang si Atty. Padilla ng Philippine Sportwriters Association(PSA) bilang “Athlete of the Year.”

Sa kanyang pagreretiro sa cycling ay ginamit niya ang kan­yang mga kinita sa Tour pa­ra mag-aral ng abo­gasya.