Rivalry ng La Salle, San Beda muling sisiklab sa ‘Champions for A Cause’ benefit game

MANILA, Philippines - Muling sisiklab ang banggaan ng Universities Athletic Association of the Philippines champion La Salle at National Collegiate Athletic Association titlist San Beda sa ‘Champions for A Cause’, isang charity basketball game para sa biktima ng bagyong ‘Yolanda’, sa Disyembre 7 sa Smart Araneta Coliseum.

“During the good old days of the NCAA, its character came from Ateneo, La Salle, Letran, and San Beda,” sabi ni dating San Beda head coach Frankie Lim, may dalawang titulo bilang player at apat bilang head coach para sa kanyang alma mater. “We had some good battles with La Salle even in their post-Lim Eng Beng years.”

“Kami naman, we won championships in 1971 and 1974,” wika ni Beng.

Ang ‘Champions for A Cause: For the Victims of Typhoon Yolanda’ ay nakatakda sa Disyembre 7 sa ganap na alas-12 ng tanghali.

Ang mga tiket ay mabibili sa Ticketnet at sa athletic departments ng La Salle at San Beda.

Ang mga presyo ng tiket ay Patron - P1,000; Lower Box - P500; Upper A - P300; Upper B - P150; at General Admission - P20.