FEU, UE, UST nagparamdam na

MANILA, Philippines - Kumubra ng kanilang mga unang panalo ang FEU, UE at UST sa pagbubukas ng 75th UAAP men’s football kahapon sa FEU-Diliman pitch.

Si Nicolas Ferrer ay may dalawang goals na ginawa sa 35th at 44th minute para bigyan ang Tamaraws ng 2-0 panalo sa National University sa larong ipinalabas ng live sa Studio 23.

Hindi naman nagpahuli ang Warriors at Tigers na sinilat ang mga napaborang UP at La Salle ayon sa pagkakasunod.

Sinandalan ng Maroons sina Fitch Arboleda at Edgardo Arboleda na gumawa ng goals sa 16th at 37th minute tungo sa 2-0 upset sa Maroons na pumangalawa noong nakaraang taon.

Agad na nagpakawala si Jogi Celiz ng goal sa ikatlong minuto lamang ng laro para katampukan ang 2-0 panalo ng Tigers sa Archers.

Si Patrick O’Neill ang naghatid ng pangalawang goal sa UST sa 81st minute para bigyan ng magandang panimula ang paghahabol sa titulo sa liga.