Suporta ng PBA sa PHL Team itutuloy ni Segismundo

SYDNEY--Gustong ipagpatuloy ni Ramon Segismundo, ang bagong PBA board chairman, ang pagsuporta ng liga sa National team kahit matapos ang darating na PBA season.

Umaasa siyang makikita ang Team Philippines na tumapos sa Top 16 sa world championship sa susunod na taon at makalaro sa Olympics sa Rio, Brazil sa 2016.

Inilatag ni Segismundo, ang Meralco senior vice president in charge of human resources, ang kanyang layunin para sa darating na season na may temang “One Philippines, One Nation” matapos makuha ang board chairmanship na iniwanan ni Barangay Ginebra’s Robert Non.

“Before Gilas Pilipinas enters the hard court in Spain, the home front serves as the venue for PBA teams to fight for titles in the 2013-14 season. It’s the goal of the incoming board to rally basketball nation behind the PBA as we celebrate 2014 as the breakout year of Philippine basketball,” ani Segismundo.

“Beyond contending teams and competitive games, PBA focuses its sights beyond this season, onwards to an incredible run as dominant basketball force in the many years ahead,” dagdag pa nito.

Sinusuportahan niya ang Gilas Pilipinas na inaasahan niyang makakapasok sa first round ng knockout stage sa world championships sa Spain sa 2014.

Gusto rin niyang itaguyod  ng PBA ang National team para sa darating na Asian Games sa Inchon, Korea.

“We have witnessed the historical feats of Gilas in its successful ‘Puso’ campaign at the FIBA Asia Championship. We have experienced how the PBA galvanized the country. The return to the world stage of the Philippine men’s National team goes beyond the game. It is for our country, for our people,” sabi  pa ni Segismundo.

Binanggit din niya ang tagumpay ng Philippine under-16 team na nakapasok sa world junior championship sa Dubai sa susunod na taon.