MANILA, Philippines - Kaagad umiskor ng panalo sina national team mainstays Malvinne Ann Alcala at Aldreen Rae Concepcion sa pagsisimula ng labanan sa girls’ Under-19 singles sa MVP Sports Foundation-Philippine Badminton Ranking System (PBaRS) tournament kahapon sa Powersmash sa Makati City.
Nagtala si Alcala, isang unseeded player sa U-19 at Open divisions, ng 21-13, 21-7 tagumpay kontra kay Glyvette Etis ng La Salle sa loob ng 25 minuto.
Pinayukod naman ni Concepcion si Golden Shuttle Foundation bet Nicole Nieto, 21-19, 12-21, 21-12.
Umabante rin sa Last 32 phase sina No. 1 Bianca Carlos at No. 2 Patrisha Malibiran kagaya nina Mary Ann Maranon ng Whackers, Denise Javier at Janine Peligrino ng La Salle, Grezel Alcuitas at Jaime Llanes ng JCB, Training Club player Lourdes Romero at Ilocos Sur pride Liana Tolentino,
Tinalo ni Maranon si Eunella Durana, 21-3, 21-5; iginupo ni Javier si Mikaela Pardalis, 21-5, 21-6; nanalo si Peligrino via default kay Rebecca Leonardo; ginitla ni Alcuitas si Danica Enriquez, 21-11, 21-7; pinahiya ni Romero si Faith Medrano, 21-13, 22-20; at binigo ni Tolentino si Mae Buena, 21-7, 21-5.
Ang event, may basbas ng Philippine Badminton Association na pinamumunuan ni Vice President Jejomar Binay katuwang sina sportsman Manny V. Pangilinan bilang chairman at Rep. Albee Benitez bilang sec-gen, ay nagsisilbing eighth leg ng nationwide circuit at ang natatanging ranking tournament sa bansa.
Dinaig ni Nepthali Pineda si Marcus Leonardo, 21-6, 21-15; tinalo ni Glenn Camillo si Emilio Mangubat, 21-13, 17-21, 21-16; at dinomina ni Edrickson Malibiran si Miguel Tiano, 23-21, 21-17, sa boys’ U-19 singles event na suportado rin ng Philippine Olympic Committee, Philippine Sports Commission, PBA at official equipment sponsor Victor, eksklusibong ipinamamahagi sa bansa ng PCOME Industrial Sales, Inc.