MANILA, Philippines - Sisikaping buhayin ang morale ng mga taga-Olongapo ng mga PBA LeÂgends sa gagawing exhibition game sa Subic Bay Gym.
Makakatapat ng mga PBA Legends sa pamumuno nina Alvin Patrimonio, Benjie Paras at Ronnie Magsanoc ang mga Subic Bay All Stars sa Nobyembre 16 na bahagi sa tatlong araw na Subic Fitness Festival.
Bukod sa exhibition game ay mag-iiwan din ng mga sapatos ang mga kasapi ng Legends para sa mga batang basketbolista sa nasabing lugar.
Makakasama ng tatlong dating PBA superstars sina Nelson Asaytono, Patrick Fran, Rey Evangelista at Xavier Nunag.
Ang taga-Olongapo na nakasama sa PBA na si Jeffrey Sanders ay maglaÂlaro rin sa Legends.
Bukod sa basketball ay magkakaroon din ng Victory Run sa araw na ito habang kinabukasan ay ilalarga ang isang triathÂlon event para sa mga baguhan.