Pacers at Rockets darating ngayon

MANILA, Philippines - Nakatakdang dumating sa bansa ngayong araw ang 2012-13 NBA Eastern Conference Finalists India­na Pacers at ang Houston Rockets para sa NBA Glo­bal Games 2013.

Ang Pacers, babande­rahan ni main man Paul George, ay sasamahan ni team president Larry Bird.

Kasunod naman ang Ro­ckets team na magpa­parada kina Dwight Ho­ward alongside sensations Jeremy Lin at James Harden.

Ito ang magiging pa­ngat­long pagbisita ni Har­den sa bansa.

Maliban kay Bird, magi­ging bisita rin si Rockets head coach Kevin McHale na kanyang naging kakam­pi sa Boston Celtics noong 1990’s.

Ito ang ikalawang pag­ka­kataon na may mga da­dalaw na NBA Hall of Fa­mers sa bansa.

Sina Bird at McHale ay ang orihinal na ‘Big Three’ ng Celtics noong 1981, 1984 at 1986 champion team kasama si center Ro­bert Parish.

Noong 2010 ay nagtu­ngo rin sa bansa si Hall of Famer Kareem Abdul Jab­bar para sa NBA Asia Challenge.

Maghaharap ang Pa­cers at ang Rockets para sa isang pre-season game sa Oktubre 10 sa Mall of Asia Arena sa Pasay City.

Bago ito, magdaraos mu­na ang Pacers at ang Ro­ckets ng pagbiisita sa ilang piling basketball courts.

Magsasagawa rin sila ng NBA Cares activities para sa mga bata sa Mall of Asia Arena at sa iilang bas­ketball courts.

Magdaraos ang NBA ng isang clinic para sa mga local basketball coaches sa Mall of Asia Arena bukas ka­sama ang Samahang Bas­ketbol ng Pilipinas.

Ang mga miyembro ng coaching staff ng Rockets at Pacers ang manga­nga­siwa sa libreng coa­­ching de­velopment prog­ram na su­portado ng NBA.