Laro Ngayon
(Makati Coliseum)
7:30 AM CEU vs. RTU (W)
9 AM CEU vs OLFU (Jrs.)
10:30 AM CEU vs St. Clare (Srs.)
MANILA, Philippines - Pipilitin ng nagdedepensang St. Clare na walisin ang Centro Escolar University sa kanilang best-of-three championship series para angkinin ang National Athletics Association of Schools, Colleges and Universities men’s basketball title sa Makati Coliseum.
Magtatagpo ang Saints at ang Scorpions sa Game 2 ngayong alas-10:30 ng umaga matapos kunin ng St. Clare ang 70-68 panalo sa Game 1 noong Miyerkules.
“We need the same intensity like what we showed yesterday,†sabi ni St. Clare coach Jinno Manansala. “Tomorrow (today) we go all out against CEU whatever they give us, we counter offensively and defensively. Hardwork is the key.â€
Muling aasa ang Saints kina Jayson Ibay, Marte Gil, Elmer Managuelod at Jam Jamito na tumipa ng pinagsamang 50 points sa Game 1.
Isinisi naman ni CEU coach Egay Macaraya ang kanilang kabiguan sa Game 1 mula sa mga non-calls ng mga referees sa fourth quarter.
“It’s all about the breaks of the game but unfortunately the referees didn’t call the last backing violation,†ani Macaraya.
Sina Rodrigue Ebundo, Aaron Jeruta at Joseph Sedurifa ang muling sasandalan ng Scorpions.