Laro Ngayon
(Olivarez College gymnasium)
10 a.m. MLQU vs PSBA
(knockout game)
MANILA, Philippines - Tumapos ng 27 puntos si Clifford Castro para sa La Salle-Dasmariñas na dinurog ang National College of Business and Arts, 105-85 sa wild-card phase ng 12th UCAA men’s basketball sa Ugnayang La Salle gymnasium sa Dasmariñas.
Tatlong tres ang ginaÂwa ni Castro sa unang yugto lamang para makalayo agad ang Patriots at makakuha ng puwesto sa semifinals sa liga.
May 3-3 karta ang Patriots sa elimination round para makasalo ang Wildcats at pahingang MLQU Stallions sa ikatlo hanggang ikalimang puwesto.
Ang Philippine School of Business Administration Jaguars na may 2-4 baraha, ay nanalo sa Stallions, 104-86, matapos maghatid ng 28 puntos si Kenneth Agustin.
Magkikita pa ang dalawang koponan sa Biyernes para malaman kung sino ang aabante sa semifinals.
Ang La Salle-Dasmariñas ay makikipagsukatan sa Olivarez College Sea Lions na hindi natalo sa anim na laro.