Mayweather huhubaran ng titulo si Alvarez
LAS VEGAS -- Matapos ang weigh-in kung saan tumimbang si Floyd Mayweather Jr. ng bigat na 150.5 pounds at 152 naman si Canelo Alvarez, tumayo ng magkaharap ang dalawang boxers at nagtitigan. Inaasar ni Mayweather si Alvarez na nanatiling nakatitig na parang isang rebulto.
Tinangka ni Mayweather na ipahawak kay Alvarez ang espesyal na solid gold WBC belt na ibibigay sa mananalo.
Hinawakan ni Mayweather ang kanang kamay ni Alvarez na nagpapakita ng kanyang mga muscle.
Lumayo si Alvarez at sa halip ay tiningnan lamang ang weigh-in record na 12,200 fans.
Itataya ngayon ng 23-anyos na si Alvarez (42-0-1, 30 knockouts) ang kanyang suot na WBC junior middleweight belt ngayon sa MGM Grand.
“I was born ready,†sabi ng Mexican star. “I’m not going to let that guy tell me what to do.â€
Si Alvarez ay may gua-ranteed na $5 million purse na maaaring lumaki sa $10 milyon mula sa kita sa pay per view, habang ibubulsa naman ni Mayweather ang record guarantee na $41.5 milyon at maaaring lumobo pa sa $70 hanggang $80 milyon matapos ang laban.
- Latest
