MANILA, Philippines - Wala pang kongkretong plano kung ano ang gagawin sa men’s basketball team na ipapadala sa 2014 FIBA World Cup sa Madrid, Spain.
Pero hindi ito mangaÂngahulugan na hindi pa nag-iisip-isip si National coach Chot Reyes sa mga dapat niyang gawin sa ilalabang Pambansang koponan.
Si Reyes ay nasa AbidÂjan, Cote d’Iviore para panoorin ang FIBA Africa Championship at napapaÂhanga siya sa pagiging athletic ng mga Aftican teams na nagbabakbakan para sa puwesto sa FIBA World Cup.
Dahil dito, nakikita ni Reyes na magiging mahaÂlaga na masanay ang kukuÂning manlalaro laban sa mga malalaki at mabibilis na manlalaro kaya’t isa sa kanyang gagawin ay ang maka-tune-up ang mga African teams bilang bahagi ng paghahanda sa 2014 event.
“Watching d Afro Basket games tells me 1 thing: this should be our next tune-up series: Tunisia, Angola, Nigeria, Cameroon, Cote d’Ivoire.
Ang Pilipinas ay makakalaro uli sa FIBA World Cup nang tumapos sila sa silver medal sa FIBA Asia Men’s Championship na ginawa sa Pilipinas mula Agosto 1 hanggang 11.
Tinalo ng Nationals ang Korea sa semifinals, 86-79, para makuha ng puwesto at mabalik ang Pilipinas sa prestihiyosong torneo sa mundo ng basketball na huling nangyari noong 1978 nang sa bansa gawin ang kompetisyon.
Yumukod ang Pilipinas sa Iran para hiranging kampeon ng FIBA Asia pero nakikita ni Reyes na mahihirapan din ang nasabing koponan sa mga African teams.