Mapua, EAC mag-uunahan sa panalo

Laro Ngayon

(The Arena, San Juan)

6 p.m. Mapua vs EAC

MANILA, Philippines - Palalakasin ng Gene­rals ang kanilang tsansa sa Final Four, samantalang hangad naman ng Car­dinals na makawala sa ka­malasan.

Nakatakdang labanan ng Emilio Aguinaldo College ang Mapua ngayong alas-6 ng gabi sa elimination round ng 89th NCAA men’s basketball tournament sa The Arena sa San Juan.

Nanggaling ang Ge­nerals sa 79-63 paglampaso sa Arellano Chiefs sa kanilang huling laro noong Sabado, habang kasalukuyang nasa isang seven-game losing slump ang Cardinals.

Kasalukuyang magkasalo sa liderato ang Letran College at ang three-time champions San Beda College mula sa magkatulad nilang 7-1 kartada kasunod ang Perpetual Help (6-2), Jose Rizal University (5-3), San Sebastian College (4-4), EAC (3-5), College of St. Benilde (3-5), Arellano  2-6), Lyceum (2-6) at Mapua (1-7).

Posibleng labanan ng Generals ni Gerry Esplana ang Cardinals ni Atoy Co na wala si bigman Sydney Onwubere ng makipag-away kay Fil-Canadian James Forrester ng Chiefs matapos ang kanilang laro.

Sinabi ni NCAA Commissioner Joe Lipa na rerebyuhin pa niya ang na­sabing laro ng EAC at Arellano bago magdesis­yon kung papatawan ng suspensyon sina Onwubere at Forrester. (RC) )