2 sunod na dagok sa Iloilo softbelles
MANILA, Philippines - Dalawang talo ang nangÂyari sa Iloilo ProÂvince na kumakampanya sa Junior League Softball World Series na ginawa sa Kirkland, Washington.
Unang yumukod ang koponang kumakatawan sa Asia Pacific sa Tampa, Florida, 5-16, bago ito naÂsundan ng 0-10 shutout sa host Kirkland para maÂkasama ang Ontario, Canada sa huling puwesto sa Pool A.
Bumigay ang pitcher ng Iloilo na si Jade Declaro sa huling dalawang innings sa seven-inning game nang pahintulutan ang host na makaiskor ng apat at anim na runs tungo sa kabiguan.
May dalawang RBIs sina Kayla Henry at Natalie Vetto habang si Lisa Nelson ay humataw ng triple para pagningningin ang 14 hits na ginawa sa laro.
Ito ang ikalawang suÂnod na tagumpay ng host para makasama ang Tampa sa unang puwesto.
Sunod na kalaban ng Iloilo ay ang Canada at must-win sila kung nais na malampasan ang pool elimination.
May 0-2 karta rin ang Canada kaya’t ang manaÂnalo sa kanila ng Iloilo ay may tsansang lumaban pa sa titulo sa liga.
Sa format ng kompetisÂyon, ang mangungulelat sa limang koponan sa dalaÂwang pool ang mamamaÂalam agad.
Ang apat na nakataÂyong koponan ay lalaro sa knockout crossover quarterÂfinals para madeterÂmina ang mga uusad sa semifinals.
Nais na Iloilo na magkaroon ng magandang kampanya sa dibisyong ito dahil ang Little League softball team ay namaalam na sa laban matapos magkaroon lamang ng isang panalo sa apat na laro.
- Latest
