Talk ‘n Text idinemanda ang Gulf Air
MANILA, Philippines - Dalawang taon na ang nakararaan, ngunit hanggang ngayon ay wala pa ring paliwanag ang Gulf Air hinggil sa pagkansela nito sa tiket ng Talk ‘N Text pabalik sa Maynila mula sa Dubai.
Kaya naman nagsampa na ng demanda kahaÂpon ang mga players at staff ng Tropang Texters na pagmamay-ari ng PhiÂlippine Long Distance and Telephone Company laban sa Gulf Air.
Ang demanda ay isiÂnampa ni PBA Commissioner Atty. Chito Salud sa ngalan ng Talk N’ Text team, ayon kay PBA legal counsel Atty. Melvin Mendoza.
“We have written them several demand letters but up to this time the airline company has not yet given a satisfactory explanation,†wika ni Mendoza.
Noong Hulyo 21, 2011 ay hindi pinayagan ng Gulf Air na pasakayin ang mga players at officials ng Tropang Texters na nagÂkumpirma ng kanilang booking para sa return trip sa Maynila.
Ang mga professional basketball teams ng Talk ‘N Text, Barangay Ginebra at Barako Bull, kasama ang PBA staff, ay bahagi ng PBA delegation na nagtuÂngo sa Dubai noong Hulyo ng 2011 para sa kanilang official games sa harap ng mga Overseas Filipino Workers.
Basta na lamang kinansela ng Gulf Air ang booÂking ng PLDT team na hindi sila binibigyan ng notice.
Dahil dito ay nanatili na lamang sa airport ng Dubai ang naturang mga grupo.
“The players and officials of TNT went to the check-in counter of Dubai airport at least three hours before their scheduled flight only to be informed that their flights were cancelled,†wika ni Mendoza.
Ang ibang team members ay naghanap ng flight sa ibang airlines para lamang makauwi, habang ang iba ay natulog na lamang sa malapit na hotel para sa flight kinabukasan.
- Latest
