MANILA, Philippines - Ang pagkakataong katawanin ang Pilipinas sa bigaÂting 2014 Paris Marathon ang nakataya sa 37th National MILO Marathon Finals sa Disyembre 8.
Ito ang inihayag kahaÂpon ni MILO Sports ExeÂcutive Andrew Neri sa kanilang idinaos na press conference sa Bayview Hotel.
“This year we have the honor and privilege of sending our own elite runners to an esteemed international race event,†wika ni Neri.
Ang magkakampeon sa men’s at women’s 42.192-kilometer National Finals sa Disyembre 8 ang siyang mabibigyan ng pagkakataong lumahok sa 2014 Paris Marathon.
Noong nakaraang Nationals Finals ang nagdomina sa men’s division ay si Eduardo Buenavista, samantalang si Mary Grace delos Santos ang nanguna sa women’s category.
Sina Buenavista at delos Santos ay posibleng hindi makasali sa National Finals, naglalatag ng premyong P30,000 sa men’s at women’s classes, dahil sa kanilang pagsabak sa 27th Southeast Asian Games sa Myanmar sa Disyembre.
Samantala, hihigpitan naman ng mga organizers ang 18 leg races sa MILO National Marathon matapos ang nangyari sa Boston Marathon noong Abril 15 kung saan tatlo ang namatay at 264 ang naÂsugatan.