MANILA, Philippines - Mula sa kabiguan nina Manny Pacquiao, Nonito ‘The Filipino Flash’ Donaire, Jr. at Brian ‘The Hawaiian Punch’ Viloria, muÂling itinayo ni Edrin ‘The Sting’ DapuÂdong ang karangalan ng Pilipinas.
Ito ay matapos agawin ni Dapudong ang suot na International Boxing OrganiÂzation super flyweight title ni Gideon BuÂÂthelezi ng South Africa via first round knockout sa kanilang rematch kahapon sa Emperor’s Palace Resort and Casino sa Johannesburg, South Africa.
Pinabagsak ni Dapudong (29-5-0, 17 KOs) si Buthelezi (13-4-0, 4 KOs) sa 2:29 ng first round para hirangin bilang bagong IBO super flyweight champion.
Ang 27-anyos na tubong Barangay Pag-asa, M’lang, North Cotabato na si DaÂpudong ang naging unang world boxing champion muÂla sa naturang probinsya.
Kaagad na isinentro ni Dapudong ang kanyang ataÂke sa bodega ng Olympian na si Buthelezi.
Nang makalusot ang kanyang suntok sa sikmura ni Buthelezi ay ibinaba ng South African ang kanyang mga kamay.
Ito ang siyang sinamantala ni Dapudong para ikoÂnekta ang isang left hook sa panga ni Buthelezi kasunod ang pagbagsak nito na una ang mukha sa sahig.
Itinigil ni referee Robert Byrd ang nasabing laban.
Nauna nang natalo si Dapudong kay Buthelezi mula sa isang kontrobersyal na split decision noong Nobyembre 10, 2012 sa nasabi ring venue.
Bago makamit ang kanyang unang world boxing belt ay apat na beses munang nabigo si Dapudong sa kanÂyang mga world title shot.
Ibinangon ni Dapudong sina Pacquiao, Donaire at Viloria na naÂkatikim ng kanilang mga kabiÂguÂÂan.
Dalawang beses natalo si Pacquiao noÂong 2012 at tig-isa naman sina DoÂnaire at ViÂloria ngaÂyong taon.