MANILA, Philippines - Magpapatatagan ang dalawang koponan na mayroong limang sunod na panalo sa pagpapatuloy ng PBA D-League Foundation Cup ngayong hapon sa Blue Eagle Gym, Katipunan, Quezon City.
Ang Blackwater Sports at NLEX Road Warriors ang mag-uunahan sa pagÂÂÂsungkit ng ikaanim na sunod na panalo sa bakbaÂkang mapapanood sa alas-12 ng tanghali.
Una ang Elite sa 12-koponang liga at hanap nila ang panalo para dumiretso na sa semifinals
Ang mangungunang dalawang koponan matapos ang single round elimination ay aabante na sa semis at ang mahahagip na ikawalong panalo ng tropa ni coach Leo Isaac ay sapat na para makuha ang isang puwesto.
“Maganda ang laban namin at ang mahalaga lamang ay hindi mawala ang disiplina ng team. Kahit isa o malaki ang kalamangan, ang mahalaga lamang ay panalo kami sa resulta ng laro,†wika ni Elite coach Leo Isaac.
Sa kabilang banda, ang Road Warriors ay nasa ikalawang puwesto bitbit ang 5-2 karta at mahalaga rin ang makukuhang panalo dahil mananatili sila sa mahalagang posisyon.
Ang Fruitas at Boracay Rum ay nasa ikatlong puwesto sa 5-3 karta at may laro ang Shakers kontra sa Hog’s Breath sa alas-10 ng umaga.
Kung manalo ang ShaÂkers na siyang inaasahan lalo pa’t talsik na ang Razorbacks, at matalo ang NLEX, malalaglag sa ikatlong puwesto ang nagdedepensang kampeon.
Ang EA Regens ay mapapalaban din sa kulelat na Informatics sa huling laro sa alas-2 ng hapon.