Laro Bukas
(Ynares Sports Arena, Pasig City)
4 p.m. San Miguel Beer vs Saigon Heat
MANILA, Philippines - Ginising nina Asi Taulava at Paolo Hubalde ang malamig na opensa ng San Miguel Beermen sa huling yugto para mapanatili ang winning streak sa 78-70 panalo laban sa Sports Rev Thailand Slammers sa ASEAN Basketball League (ABL) noong Miyerkules ng gabi sa Nimibutr Stadium sa Bangkok, Thailand.
Kinakitaan ng pag-iskor lamang ng walo sa second period at 10 sa ikatlong yugto upang ang 28-12 bentahe sa first period ay naging 46-53 pabor sa home team sa huling yugto, sina Taulava at Hubalde ay nagtambal sa 23 puntos upang umararo ng 32 puntos ang bisitang koponan.
Si Hubalde na puÂmalit sa injured na si Chris Banchero ay mayroong 11 kaÂsama ang mga krusyal na free throws na nakatulong sa pagbalikwas ng tropa ni coach Leo Austria.
Ito ang ika-11 sunod na panalo ng Beermen upang manatili sa itaas sa anim na koponang liga sa 14-3 karta.
Si Taulava ang muling namuno sa koponan sa kanyang 18 puntos, 6 assists at 5 rebounds habang si Hubalde ay may 14.
Nagsanib sina Leo AveÂnido at Val Acuna sa 24 puntos habang 11 puntos, 8 boards at 4 assists si Brian Williams at 6 puntos, 6 blocks at 8 boards ang kay Justin Williams.
Balik Pilipinas na ang Beermen at maghahanda sa home game laban sa Saigon Heat sa Sabado.
May 18 puntos, 10 reÂÂbounds at 8 blocks si Charles Christien at si Darongpan Apiromvilaichai ay may 12 para sa Slammers na lumasap ng ikatlong sunod na pagkatalo sa home court tungo sa kabuuang 6-12 karta.