Laro Ngayon
(Tan Bihn Stadium,
Ho Chi Minh City)
7:30 p.m. Saigon Heat
vs San Miguel Beer
MANILA, Philippines - Hindi malayong makuÂha ng San Miguel Beer ang ika-siyam na sunod na panalo at patuloy na pagkapit sa liderato sa 4th ASEAN Basketball League (ABL) sa pagharap sa Saigon Heat sa Tan Bihn Stadium sa Ho Chi Minh City, Vietnam.
Ang laro ay magsisiÂmula ngayong alas-7:30 ng gabi (Philippine time) at paborito ang Beermen dahil bukod sa may 3-11 karta lamang ang Heat, hindi pa makakalaro ang import na si David Palmer na suspindido matapos makipag-away kay Thailand Slammers import Christien Charles sa nakuÂhang 75-90 pagkatalo noong Abril 5.
“Hindi namin dapat isipin na lamang kami dahil wala ang isang import ng Heat. Kailangang ilaro pa rin namin ang tunay na laro para matiyak ang panalo,†wika ni Beermen coach Leo Austria.
Kung makukuha ang panalo, ang Beermen ay aangat sa 12-3 karta para manatiling angat sa Indonesia Warriors na mayroong 12-4 baraha.
Ito ang ikaapat na pagkikita ng Beermen at Heat at angat ang una sa 2-1 karta.
Si Chris Banchero ang muling mangunguna sa koponan katuwang sina Brian at Justin Williams, Asi Taulava, Erik Menk at Leo Avenido.
Pero hindi malayong bigyan din ni Austria ng playing time ang kanyang bench bilang paghahanda para sa Playoffs.
Dehado man ay tiyak na magpupursigi pa rin ang Heat na makuha ang panalo at wakasan ang masamang 10-game loÂsing streak at maiangat ang kanilang 3-11 baraha.
Huling nanalo ang Heat noon pang Enero 19 laban sa nagdedepensang Warriors, 77-72, sa home court para sa 3-1 karta.