DENVER--Ipinagdiwang ni Kenneth Faried ang pagkakatanggap niya ng imbitasyon para sa annual slam dunk contest sa pamamagitan ng ilang serye ng slam dunks.
Tumapos si Faried na may 21 points at 12 rebounds sa loob ng 26 minuto para pagbidahan ang Denver Nuggets sa 128-96 paggupo sa Chicago Bulls.
“I mean, I’m ecstatic about it, happy to go out there and showcase what I can do and excite the fans,’’ sabi ni Faried na kumolekta ng 17 points at 8 boards bago pumasok ang Nuggets sa kanilang locker room bitbit ang 63-58 halftime lead.
Ito ang pang-walong suÂnod na panalo ng Nuggets at ika-15 sa nakaraan nilang 18 laro sapul noong Enero 1.
Nagdagdag naman si Wilson Chandler ng 24 points sa loob ng 19 minuto para sa Denver.
Nagsalpak din si JaVale McGee ng kanyang mga slam-and-jam show sa kanyang 10 points para sa Nuggets na hindi pa natatalo simula noong Enero 18 at tinambakan ang Bulls ng 35 points.
Umiskor naman si Carlos Boozer ng 18 points sa panig ng Chicago na hindi nakuha ang serbisyo nina starting guards Derrick Rose (left knee) at Kirk Hinrich(right elbow).
Binanderahan ni reserve Daequan Cook ang Bulls mula sa kanyang 19 points.