MANILA, Philippines - Muling naglabas ng tikas ang National player na si Rodel Valle upang isubi ang ikatlong overall title sa men’s open class ng Mayor Jun-Jun Binay Cup quarterly national table tennis championships kamakailan sa Makati Coliseum.
Tinalo ni Valle, miyembro rin ng Philippine National Police (PNP) table tennis team, si Al Arnibal ng Makati City Panthers sa championship round, 3-2 para sa men’s open crown.
“I always challenge my self to play each game as if it’s the Championship Game. That’s the reason why I continuously aspire to become a better player each day through training,” ani Valle.
Kabilang sa mga tinalo ni Valle sina Philip Uy ng Table Tennis Association ng North District sa quarters (3-0) at Jong Ortalla ng Makati City Panthers sa semis (3-1) bago makaharap si Arnibal sa finals.