Huling laban na! Pacquiao vs Marquez
LAS VEGAS--Kung may bagay mang pinagkakasunduan sina Manny Pacquiao at Juan Manuel Marquez, ito ay ang magiging pinakahuli na nilang laban.
Wala nang mangyayaring pang lima, pag anim o pangpito.
Sa Linggo (Manila time) ay tatapusin na nina Pacquiao at Marquez ang kanilang paghaharap sa ibabaw ng boxing ring.
Nagtagpo sina Pacquiao, magiging 34-anyos sa Disyembre 17, at si Marquez, naging 39-anyos noong Agosto 23, ng tatlong beses na pawang mga naging kontrobersyal na mahigpitan ang laban.
Magkasunod na dumating sina Pacquiao at Marquez sa MGM kung saan sila kinapanayam ng press sa VIP Lounge.
Wala silang planong tumbasan o lampasan ang anim na beses na paghaharap nina Sugar Ray Robinson at Jake LaMotta mula noong 1942 hanggang 1951. “I don’t think so,” wika ng Mexican.
Tila pagod na siyang makita si Pacquiao sa kabilang corner matapos ang kanilang draw noong 2004 at dalawang pagkatalo noong 2008 at 2011.
Nanalo si Pacquiao kahit na naniniwala si Marquez na siya ang tunay na nagwagi.
“Maybe this is the last. I don’t know what will happen inside the ring. But maybe this is our last time,” ani Marquez kay Pacquiao.
- Latest
