MANILA, Philippines - Tatargetin ng nagdedepensang Star Group of Publications ang kanilang pang limang sunod na panalo at ang liderato kontra sa PRC Couriers sa 2012 MBL Corporate Cup basketball championship sa San Andres Sports Complex sa Malate, Manila.
Maghaharap ang Star Group (4-0) at ang PRC (3-1) ngayong alas-8:30 ng gabi.
Winalis ng Starmen ang first round kung saan nila nilusutan ang Couriers, 75-72, noong Nov. 8.
Magkikita naman ang Smart Communications (2-2) at ang Manila Capitals (1-3) sa alas-7 ng gabi.